ئیسماعیل بێشكچى: په‌كه‌كه‌ بو دژایه‌تیكرنا درستبوونا ده‌وله‌تا كوردى هێرشێ دكه‌ته‌ سه‌ر پێشمه‌رگه‌ى و پارتى

په‌په‌كه‌ بۆ دژایه‌تى كرنا ده‌وله‌تا كوردستانێ هێرشێ دكه‌ته‌ سه‌ر پێشمه‌رگه‌ى و پارتى دیموكراتى كوردستان

كومه‌لزانێ ناڤدارێ تورك ئیسماعیل پێشكچى دراگه‌هاندنه‌كێ دا ب دژوارى نه‌رازى بوونا خو به‌رامبه‌رى هێرشێن په‌كه‌كێ دیاركر و راگه‌هاند ژى كو په‌كه‌كه‌ دژى ده‌وله‌تا كوردستانێ یه‌، له‌ورا هه‌مى ده‌مان هێرشان دكه‌ته‌ سه‌ر پێشمه‌رگه‌ى و پارتى دیموكراتى كوردستان، چونكو پارتى دیموكراتى كوردستان پێشه‌نگا خه‌تێ كوردستانێ بوو و  كار بو دامه‌زراندنا ده‌وله‌تا كوردستانێ دكه‌ت.

بێشكچى د پشكه‌كا دى یا ئاخفتنێن خو‌ دا دوپاتكر كو چ جورێن بهانه‌كا سیاسى و قانونى و ره‌وا بۆ هێرشێن په‌كه‌كێ بۆ ل سه‌ر پێشمه‌رگه‌ى نینه‌ و نابیت ئه‌و شه‌ره‌ بهێته‌كرن و پێدڤیه‌ رویدانێن پشتى ریفراندوما سه‌ربه‌خویى و رویدانا 16 ئوكتوبه‌رێ ژبیرا ملله‌تێ كورد نه‌چیت و بزانین ئه‌وێن هێرشا سه‌ر پارتى و هێزێن پێشمه‌رگه‌ى دكه‌ن نه‌یارێن كوردستانێ و ده‌وله‌تا كوردستانێ نه‌