دگهل نێزیك بوونا دهمێ دیدارا دناڤبهرا سهروك كومارێ توركیا رهجهب تهیب ئهردوگان و سهروكێ ئهمریكا جو بایدن كو بریاره 14 ێ ڤێ ههیڤێ ل بروكسل بهێته ئهنجامدان، دهنگویهك بهلاڤبویه كو دڤێ دیدارێ دا ئهردوگان دێ بێژیته بایدنى كو سیستهمێ بهرهڤانیا موشهكێن ئێس 400 چالاك ناكهت.
دڤى چارچوڤهى دا جهنهرالێ خانهنشینێ توركیا ب ناڤێ توركهر ئهرتورك راگههاند ، كو توركیا بریار دایه سیستهمێ بهرهڤانیا موشهكێن ئێس 400 كو ژ روسیا كرییه چالاك نهكهت و ل بنگههێ لهشكهرى ئینجیرلیك كو هێزێن ئهمریكا تێدا بنهجهبووینه ههلبگرن.
ئهرتورك ههروهسا تهئكید ل وێ چهندێ كریه كو سهروك كومارێ توركیا رهجهب تهیب ئهردوگان د دیدارا دگهل سهروكێ ئهمریكا دا ب فهرمى دێ ڤێ بریارا توركیا گههینیته لایهنێن ئهمریكى و ب ڤى
رهنگى دێ پهیوهندیێن دناڤبهرا توركیا و ئهمریكا دا ئاسایى بن.
