جێگرێ سوپاسالارێ پێشمه‌رگه‌ى بۆ ئۆپراسیۆنان ل وه‌زاره‌تا پێشمه‌رگه‌ی رادگه‌هینیت، د وه‌زاره‌تا پێشمه‌رگه‌ی دا پرۆسێسا چاكسازیێ یا به‌رده‌وامه و پێنج لیژنه كارى ل سه‌ر چاكسازیان دكه‌ن و دێ د به‌رده‌وام بن هه‌تا كو ب دووماهیك بهێن.
لیوا قارەمان كەمال، بۆ ماڵپەڕێ فەرمی یێ پارتی یا دیموكراتا كوردستانێ گۆت: د وەزارەتا پێشمەرگەی دا پێنج لیژنە هاتینه پێكئینان و كار بۆ ئه‌نجامدانا پرۆسێسا چاكسازیێ دكه‌ن، كو هه‌ر لیژنه‌ك ژى د بیاڤه‌كی دا كار دكه‌ت و د به‌رده‌وام د كاركرنێ دانه.
جێگرێ سوپاسالارێ پێشمەرگەى بۆ ئۆپەراسیۆنان د وەزارەتا پێشمەرگەیا حكومەتا ھەرێمێ دا گۆت ژى، وان لیژنان د ئه‌نجامدانا چاكسازیێ د هه‌مى بیاڤان دا پێنگاڤێن باش هاڤێتینه، و دێ د به‌رده‌وام بن ژى هه‌تاكو چاكسازى ل سه‌رجه‌م بیاڤان ب ته‌مامى بهێنه ئه‌نجامدان و كارێن خۆ ته‌مام بكه‌ن، ئه‌ڤ لیژنه ژى د هه‌مى سێكته‌ران دا دێ چاكسازیێ كه‌ن، ئه‌ڤه ژى د چوارچووڤێ قانونا چاكسازیێ دایه.
