ئەڤرۆ دكتور عەلی تەتەر پارێزگارێ دهۆکێ ب بەرهەڤبوونا رێڤەبەرێ رێڤەبەریا وەرزشی ل پارێزگەها دهۆکێ و سەروک و ئەندامێن دەستەیا کارگێریا یانا ئافرەتێن دهۆکێ رێزلێنان و پیرۆزباهی پێشکێشی تیما یاریا فوتسالێ قارەمانا خۆلا پلا نایابا هەرێما کوردستانێ کرن.
د رێ و ره‌سمێن رێزلێنانێ دا پارێزگه‌رێ دهۆکێ دپەیڤەکێدا ئاماژە ب گرنگیا وەرزشێ و سەرکەفتنا یانا ئافرەتێن دهۆکێ دقارەمانیا فوتسالێ دا بلند سه‌نگاند و گوت: هەوە ب تەکنیکەکا بلند و ب گیانەکێ پری لێبورین و وەرزشیی یاریی دکر، و هیڤیدارین ئەڤ رحا لێبورینا وەرزشی دهەمی سێکتەراندا رەنگڤەدەت.
پاشان دپەیڤەکێدا سەرۆکا یانا ئافرەتێن دهوکێ: سۆپاسیا پێشوازیا پارێزگه‌رێ دهۆکێ و پشتەڤانیا وان بو کەرتێ وەرزشی کر.
