دكتور على تهتهر پارێزگارێ دهۆكێ سهرا رێڤهبهرییا پولیسێن پارێزگههێ دا و ژلایێ عهمید فهخرى ئهحمهد رێڤهبهرێ پولیسێن پارێزگههێ و پلهدارێن رێڤهبهرییێ پێشوازى لێ هاته كرن.
پارێزگارێ دهۆكێ كۆمبوونهك دگهل رێڤهبهر و ژمارهكا ئهفسهرێن پشكێن رێڤهبهرییێ ئهنجامدا.
دكۆمبوونێدا پارێزگارێ دهۆكێ دووباره پیروزباهى ل رێڤهبهرێ نوی یێ پولیسان كر ههروهسا پهسنا رولێ رێڤهبهرییێ كر كو شیا ببیته ئێكهم ل سهر ئاستێ عیراقێ وههرێمێ دبیاڤێ بجهئینانا قانونێدا وگوت: ئهڤه بو مه سهربلندیهكا مهزنه رێڤهبهرییا پولیسێن دهۆكێ ئهڤ ناسناڤه ههبیت و تهكهزكر كو سهروكێ حكومهتا ههرێمێ و پارێزگهها دهۆكێ وههمى سازیییێن پهیوهندیدار دێ پشتهڤانیێ ل كار وئهركێن رێڤهبهرییا پولسێن دهۆكێ كهت وخواست كو قانون ب دادى وبێى جیاوازى ل سهر ههمى خهلكێ پارێزگههێ بهێته چهسپاندن.
پارێزگارێ دهۆكێ ئهو چهنده ژى دیاركر كو ههر جههكێ قانون و دادى باشتر لێ بهێته بجهئینان وسهرهدهرییهكا چاك دگهل وهبهرهێنهرا وگهشتیار وسهرمایدار وبازرگانا بهێته كرن مرۆڤ دێ پتر قهستا وى وهلاتی كهن و دێ پتر رهنگڤهدانا خو ژ ههمى لایهكێڤه ههبیت.
لدویڤدا رێڤهبهرێ پولیسان چهند پێدڤیێن رێڤهبهرییێ بهرچاڤكرن بو وێ چهندێ بهێنه چارهسهركرن و سوزدا كو بهردهوام كار وخهباتێ بكهن بو بجهئینانا رێنما وقانونێن حكومهتا ههرێمێ وپاراستنا سامان وئارامییا خهلكێ پارێزگههێ.
ل دوماهیێ پارێزگارێ دهۆكێ سهرا پشكا پروسا توماركرنا پولیسان بو قهزا شنگالێ دا و ژ نێزیك سهحكره سیستهمێ وهرگرتنا كاروبارێن وهلاتییان.
