پروسا دیاركرنا بالیوزێ عیراقێ ل وه‌لاتان ده‌ست پێكریه وچه‌ند بالیوزه‌ك به‌ر پارتى دیموكرتى كوردستان كه‌فتینه بو وێ مه‌ره‌مێ پارتى دیموكراتى كوردستان ناڤێ كاندیدێت خو پێشكێشكرینه ورێكارێن دیاركرنا بالیوزا ژى ده‌ست پێكرینه . دكتوره ئه‌شواق جاف كاندیدا پارتى دیموكراتى كوردستان بو مالپه‌رێ فه‌رمیێ پارتى دیموكراتى كوردستان گوت پێنگاڤێن دیاركرنا بالیوزێن عیراقێ ل وه‌لاتان ده‌ست پێكرینه وپارتى دیموكراتى كوردستان ژى چه‌ند كاندید دیاركرینه وپێشكێشكرینه بو وه‌رگرتنا پوستێ بالیوزیێ كو ئه‌وژى لدویف خالا دێ هێته دیاركرن . وهه‌ر كوتله‌یه‌كێ چه‌ند بالیوز دێ به‌ركه‌ڤن . چونكه دێ لسه‌ر ژمارا كورسیێن په‌رله‌مانى مینیت له‌ورا پێدڤیه وه‌زاره‌تا ده‌رڤه چاڤپێكه‌فتنا دگه‌ل كاندیدا بكه‌ت وپشتى هنگى دێ ره‌زامه‌ندى لسه‌ر هێته دان وجڤاتا وه‌زیران دێ نڤیساره‌كێ بو په‌رله‌مانى سه‌باره‌ت ناڤان ره‌وانه‌كه‌ت بو وێ چه‌ندێ كو ده‌نگ لسه‌ر بهێته دان . وپشتى هنگى دێ لبه‌رامبه‌ر سه‌روك كومارى سویندا قانونى خون ودێ ده‌ست بكاربن . هه‌ر وه‌سا گوت ژى پێنگاڤان ده‌ستپێكرینه وناڤ ژى بو ده‌سته‌یا نه‌زاهێ و وه‌زاره‌تا نافخو هاتینه ره‌وانه‌كرن . هه‌روه‌سا دیاركر كو پارتى دیموكراتى كوردستان لدویف كورسى وخالان دێ دیاربیت كا چه‌ند بالیوز دێ به‌ركه‌ڤن . وكاندیدێن پارتى دیموكراتى كوردستان پێكهاتینه ژ خسرو پیربال عمر و ئه‌شواق جاف وپه‌ریزاد شه‌عبان وبه‌هزاد نه‌بى وڤیان ده‌خیل وكاوه فه‌ریق ومحه‌مه‌د عه‌لى یاسین وره‌وه‌ز مه‌هدى
