سامان بهرزنجى وهزیرێ ساخلهمیا حكومهتا ههرێما كوردستانێ راگههاند ئێكهم گهرا ڤاكسینێ دژى كورونایێ برێكا وهزارهتا ساخلهمیا عیراقێ ڤه گههشته ههرێما كوردستانێ. ههروهسا گوت ڤاكسینێ سنوفارم یێ چینى گههشته ههرێمێ و بریاره ل سهر پارێزگههان بهێته بهلاڤكرن.
سامان بهرزنجى وهزیرێ ساخلهمیا ههرێمێ دیاركر كو د قوناغا ئێكێ دا دێ ل سهر وان كهسان هێته بكارئینان یێن ل رێزا ئێكێ یا بهرهنگاریا كورونایێ دا دهێن ب تایبهت تیمێن ساخلهمیێ .
ههروهسا ئاماژه دایه كو تیمێن تایبهت هاتینه ئامادهكرن و ههشت ناڤهندێن تایبهت بو وهرگرتنا ڤاكسینێ دژى كورونایێ ل ههرێما كوردستانێ هاتینه ڤهكرن .
سامان بهرزنجى راگههاند : وهزارهتا ساخلهمیا عیراقێ راگههاندیه حهفتیا بهێت كاروانێ دووێ یێن ڤاكسینى دێ گههیته عیراقێ و پشكا ههرێما كوردستانێ دێ هێته رهوانهكرن .