بریكارێ وه‌زاره‌تا پلاندانانا حكومه‌تا هه‌رێما كوردستانێ ئاماژه ب رێكار و ئاماده‌كاریێن پروژه قانونا بودجا گشتى یا 2021 یا هه‌رێما كوردستانێ كر و راگه‌هاند دبیت د دویماهیا هه‌یڤا بهێت دا پروژه قانون پێشكێشى په‌رله‌مانێ كوردستانىێ بهێته كرن و دیاركر ژبه‌ر سیاسه‌تا سه‌روكێ حكومه‌تێ دێ بزاڤا كه‌ین ئه‌و پروژێن زێده‌تر یێن خزمه‌تگوزارى ب وه‌لاتیان بگه‌هینین .
د داخویانیه‌كێ دا زاكروس فه‌تاح گوت : وه‌زاره‌تا پلاندانانێ برێكا وه‌زیرێ پلاندانانێ روژژمێرا بودجێ پێشكێشى جڤاتا وه‌زیران كریه كو ئاماده‌كاریێن بودجا 2021 یا هه‌رێما كوردستانىێ تێدانه و دێ د روژژمێرێ دا به‌حسێ كومبوونێن وه‌زاره‌تا پلاندانانێ دگه‌ل وه‌زاره‌تان ب دوو خشته‌یێن جودا تێدانه .
بریكارێ وه‌زاره‌تا پلاندانانێ گوت : وه‌زاره‌تا دارایى ل سه‌ر بودجا ته‌شغیلى دگه‌ل سه‌رجه‌م وه‌زاره‌تا روینشتینه بو وێ چه‌ندێ داهاتى بزانین چه‌نده و پێشبینیان بو خه‌رجیێن سالا 2021 دێ چه‌ندبیت و ئه‌و خه‌رجى چنه كو د پێدڤی نه بهێنه دیاركرن هه‌روه‌سا دیار كر كو وه‌زاره‌تا پلاندانانێ به‌رپرسه ژ پروژێن خزمه‌تگوزارى و ئه‌و پروژێن پێدڤى ل هه‌رێما كوردستانێ بهێنه بجهـ ئینان .
