قانونا خانیێن زێده‌گاڤى دبه‌رژه‌وه‌ندیا وه‌لاتیێن هه‌رێما كوردستانێ دێ هێنه راستڤه‌كرن و هه‌مى ئه‌و یه‌كێن ئاكنجیبونێ كو دكه‌ڤنه سنورێ باژێرڤانیان و ب زێده‌گاڤى هاتینه دروستكرن دێ هێنه تاپوكرن ، بریارده‌رێ لیژنا باژێرڤانیان ل په‌رله‌مانێ كوردستانێ ژى گوت ، پشتى به‌لاڤبونا قانونێ د وه‌قایعى كوردستان و ده‌رچوونا رێنمایان وه‌لاتیان دشێن ده‌ست ب رێكارێن قانونى بكه‌ن و داخوازا خو پێشكێش بكه‌ن بو ب رێڤه‌برنا معاملان ل سنورێ بارێرڤانیێن خو
نزار مه‌لا غه‌فار بریارده‌رێ لیژنا باژێرڤانی و گه‌شتوگوزارى ل په‌رله‌مانێ كوردستانێ بو مالپه‌رێ فه‌رمى یێ پارتى دیموكراتى كوردستان راگه‌هاند ، سه‌باره‌ت قانونا ژماره3 یا سالا 2019 كو به‌رى نوكه زه‌مینه‌یا قانونى بو وێ قانونێ دیار كربوو كو 120 روژ بوو ، به‌لێ ژبه‌ر كرنتیا قه‌ده‌غا هاتن و‌چوونێ ده‌مێ قانونێ ده‌ربازببوو ، ژبه‌ر ڤێ چه‌ندێ دڤێت دوباره بهێته راستڤه‌كرن ، خوشبه‌ختانه دوهى ل روینشتنا په‌رله‌مانێ كوردستانێ شیان خواندنا دوێ بو هه‌مى پروژه قانونێ بهێته كرن كو ژ 12 مادا پێك هاتبوو ، سێ حه‌تا چوار مادان ل قانونێ راستڤه‌كرن هاته كرن ب تایبه‌ت ئه‌وێن په‌یوه‌ندی ب دیاركرنا بهایێ تاپوكرنا خانیان ڤه هه‌ى
سه‌باره‌ت ب هویركاریێن راستڤه‌كرنێ و بهایێ تاپو كرنا خانیان مه‌لا غه‌فار ئاماژه ب وێ چه‌ندێ كر به‌رى نوكه دقانونا كه‌ڤن دا بهایێ تاپوكرنا زه‌ڤیان دیار كربوو ، بو نموونه سه‌باره‌ت ناحیا 5 هزار هه‌تا 8 هزاربوو ، قه‌زا 10 هزار هه‌تا 15 هزاربوو و ل پارێزگه‌هان 15 هزار بو 30 هزاران بو هه‌ر متره‌كی هاتبوو دیاركرن ، به‌لێ لدویڤ راستڤه‌كرنێن نوى كو چ بها نه‌هاتیه دیاركرن چونكه نوكه نه‌دادى یاهه‌ى دلڤینا بازارى دا
ژباژێره‌كى بو باژێره‌كێ دى ، ژبه‌ر ڤێ چه‌ندێ ژ سه‌دا 30 وپتر ده‌ستهه‌لات دێ كه‌ڤیته یه‌كێن ئیدارى و باژێرڤانیێن هه‌ر سنوره‌كى
گوتى ژى ئه‌و برگا د قانونا كه‌ڤن دا كو یا تایبه‌ت بوو ب كه‌س و كارێن شه‌هید و ئه‌نفالكریان بو هندێ ب مفادار نه‌هێنه هژمارتن ، ماده وه‌كى خو دێ مینیت و چ گوهورین تێدا ناهێنه كرن
بریارده‌رێ لیژنا باژێرڤانیێ گوت ژى ، هه‌مى ئه‌و خانیێن كوب زێده‌گاڤى هاتینه دروستكرن ود كه‌ڤنه دماسته‌رپلانا باژێرڤانیان دا حه‌تا روژا 13/3/2018 هاتینه دروستكرن ل سه‌ر خودانێن وان دێ هێنه تاپوكرن ، به‌لێ بریارژپارچێن عه‌ردى یێن ئاسایى ناگریت
گوت ژى پشتى ده‌رچوونا بریارێ د وه‌قایعى كوردستانێ داوه‌لاتى دشێن ب رێكارێن قانونى بو تاپوكرنا خانیان بكه‌ن
