مه‌سرور بارزانى سه‌روكێ حكومه‌تا هه‌رێما كوردستانێ د په‌یامه‌كێ دا ب هه‌لكه‌فتا 8ێ ئادارێ روژا جیهانى یا ئافره‌تان په‌یامه‌ك به‌لاڤكر ئه‌ڤه ژى ده‌قێ یه:
ب هه‌لكه‌فتا 8 ێ ئادارێ روژا جیهانى یا ئافره‌تان گه‌رمترین پیروزباهیان ل ئافره‌تێن كوردستانێ و جیهانێ دكه‌م. ب رێزڤه به‌رێ خو دده‌ینه خه‌بات و تێكوشانا ئافره‌تێن كوردستانێ ژپێخه‌مه‌ت وه‌كهه‌ڤى و دادپه‌روه‌ری یا جڤاكى.
پشكداریا ئافره‌تێن كوردستانێ، د بزاڤا رزگاریخوازا گه‌لێ كوردستانێ دا و روى ب روى زولم و داگیركرنێ دا، جهێ شانازییه و ئافره‌تێن كوردستانێ هه‌رده‌م نمونه‌یا قوربانیدان و خوراگرىیێ بوو ژبو مافێن ره‌وا یێن گه‌لێ كوردستانێ.
حكومه‌تا هه‌رێما كوردستانێ پێگیربوونا خو ب روى ب روى بوونا هه‌ر جوداهیه‌كا ره‌گه‌زى و پشت گوهـ ئێخستنا رولێ ئافره‌تان، دووپات دكه‌ت. پشته‌ڤانیا رولێ كارا و هه‌ژى یێ ئافره‌تێن كوردستانێ دكه‌ین دبیاڤێن جودا یێن جڤاكى و ده‌زگه‌هێن حكومه‌تێ دا، دچارچوڤێ دووپاتكرنا مه ژ مافێن مروڤى ب گشتى و مافێن ئافره‌تێ بتایبه‌تى.
هیڤیا سه‌ركه‌فتنێ بو خه‌باتا ئافره‌تێن كوردستانێ دخوازم
مه‌سرور بارزانى
سه‌روكێ حكومه‌تا هه‌رێما كوردستانێ
