كوردو ئیحسان رێڤه‌به‌رێ گشتیێ وه‌به‌رهێنانێ ل دهوكێ راگه‌هاند نه‌خشه‌یێ وه‌به‌رهێنانێ ل دهوكێ هاتیه ئاماده‌كرن و ئه‌و پروژێن پێدڤى ب پارێزگه‌ها دهوكێ د چارچووڤێ نه‌خشێ وه‌به‌رهێنانێ هاتینه جوداكرن و د روژێن بهێت دا نه‌خشه دێ هێته دیاركرن و سه‌رجه‌م قه‌زا و ناحیێن پارێزگه‌ها دهوكێ دێ د مفاداربن ژ نه‌خشێ وه‌به‌رهێنانا دهوكێ .
رێڤه‌به‌رێ گشتیێ وه‌به‌رهێنانێ ل دهوكێ گوت : هزار ده‌رفه‌تێن كارى د نه‌خشێ وبه‌رهێنانێ دا هه‌نه و ل دویڤ نه‌خشه‌ى خه‌لكێ دهوكێ و بتایبه‌ت د وه‌به‌رهێنانێ دا دێ د مفاداربن .
كوردو ئیحسان دیاركر كو ئه‌و وه‌به‌رهێنه‌رێن داخازا بجهئینانا پروژان دكه‌ن دشێن مفاى ژ ده‌رفه‌تێن وه‌به‌رهێنانێ وه‌ربگرن كو پتر ل كه‌رتێن وه‌ك پێشه‌سازى و چاندن و گه‌شتیارى بخوڤه دگرن و ده‌رفه‌ته‌كا باشه بو وه‌به‌رهێنه‌رێن ناڤخو هه‌یه داكو بشێن وه‌به‌رهێنانێ بكه‌ن .
