ئاگر بەربوو خانیێ وەلاتیەکێ ل تاخێ سێمالکا ل ناڤەندا باژێرێ زاخۆ و خودانێ مالێ گیانێ خو ژ دەست دا.
بێوار عەبدولعەزیز، بەرپرسێ راگەھاندنا رێڤەبەریا بەرەڤانیا باژێری ل پارێزگەھا دھۆکێ راگەھاند، مالا وەلاتیەکى ل تاخێ سێمالکا ل ناڤەندا باژێرێ زاخۆ ده‌مژمێر شەش و بیست خوله‌كان ئاگر بەربوویێ، تیمێن ئاگرڤەمراندنێ ژی بلەز گەھشتنه جھێ رویدانێ و ئاگر کۆنترۆل کر.
ئاشکرا ژی کر کو خودانێ مالێ ناڤێ مەھدی حسێنه ژیێ وى٤٤ سالن و خێزاندارە و د مالا خودا سۆتیە و ھەتا گەھاندیە نەخۆشخانێ ژیانا خو ژ دەست دا.
لدویڤ پێزانینێن دەستپێکی ئەو کەس تووشی نەخۆشیەکا دەروونی ببوو و وی ئاگر بەردایە خو و مال ژی د گەل دا سۆتیە، به‌لێ بەرپرسێ راگەھاندنا بەرەڤانیا باژێری ل پارێزگەھا دھۆکێ ئاشکرا کر، لیژنەک بۆ ڤەکۆلینێ ھاتیە پێکئینان بۆ زانینا ئەگەرێن ئاگربەربوونێ.
