پشتى هاتنا هێزێن زێدهترێن حهشدا شهعبى بو شنگالێ و زێدهبونا چالاكیێن وان دگهل چهكدارێن پهكهكێ خهلكێ شنگالێ گازندا ژ رهفتارێن پهكهكێ و حهشدا شهعبى دكهن و پهكهكه و حهشد گهفێن رهڤاندنێ ل خهلكى دكهن
خێرۆ جردۆ حهسۆ، وهلاتیهكێ گوندێ شنگالێ یه راگههاند؛ رهوشا شنگالێ كهفتیه د مهترسیێ دا، پهكهكێ و حهشدا شهعبی گهف ل وی دكرن كو دێ زارۆكێن وی بۆ دهمێ 6 ههیڤان بهنه راهێنانێن لهشكرى و گۆت: ئهگهر پهكهكێ زارۆكێن وى بربان بۆ وی نهدزڤراندنه ڤه، ژبهر هندێ وی زارۆكێن خو ژ شنگالێ رهڤاندن و زڤرییهڤه كهمپا چهم مشكۆ.
گۆتژى: ههروهسا رێككهفتنا دناڤبهرا ههولێر و بهغدا نههاتیه بجهئینان و ئهو ل هێڤیێ نه ئهو رێكهفتنه بكهڤته د بیاڤێ بجهئینانێ دا داكو دووباره بزڤرنه شنگالێ ڤه.
ژ لایهكێ دی ڤه، كهمال قاسم مراد، ژ گوندی دوگرێ ل شنگالێ گۆت: ژ بهركو ئهو پێشمهرگهیه و بنگههێ حهشدا شهعبی ب رهخ مالا وی ڤهیه ئهو نهشێت كارێن خو یێن ئاسایی بكهت و ژیانا وی ئالۆزبوویه و دهرگههێن مالا وی ههمى گاڤان دگرتینه و ئهو و خێزانا خو نهشێن دهربكهڤن، ژ بهر هندێ ناڤێ خو ل رێڤهبهریا كۆچ و كۆچبهران تۆماركریه كو دوباره ڤهگهریته كهمپێن ههرێما كوردستانێ داكو بشێت كارێ خو یێ پێشمهرگاتیێ بكهت.