دكتور خه‌یرى عه‌لى، رێڤه‌به‌رێ گشتى یێ گه‌شت و گوزارێ ل پارێزگه‌ها دهۆكێ بۆ مالپه‌رێ پارتى دیموكراتى كوردستان راگه‌هاند به‌رفره‌هبونا شه‌رێ دناڤبه‌را چه‌كدارێن په‌كه‌كێ و له‌شكه‌رێ توركیا ل سنورێ پارێزگه‌ها دهۆكێ كارتێكرنا خوه ل سه‌ر كه‌رتێ گه‌شت و گوزارى كریه و بوویه ئه‌گه‌رێ گرتنا 29 جهێن گه‌شتیارى و نوكه كه‌س نه شێت سه‌ره‌دانا وان جهان بكه‌ت.
دكتور خه‌یرى گۆت ژى: ژئه‌گه‌رێ گرتنا وان جهێن گه‌شتیارى یێن ل سنورێ پارێزگه‌ها دهۆكێ و نه چوونا گه‌شتیاران بۆ وان جهان پتریا خه‌لكى بێكار ماینه و كارتێكرنا خو ل سه‌ر ده‌رفه‌تا كارى كریه
رێڤه‌به‌رێ گشتى یێ گه‌شت و گوزارى ل دهۆكێ ئاماژه ژى كر ژبه‌ر مه‌ترسیا چه‌كدارێن په‌كه‌كێ و ئالوزێن ده‌ڤه‌رێ نه‌بیت جهێن گه‌شتیارى ل سنورێ پارێزگه‌ها دهۆكێ یێن هه‌ین و زڤراندنا سه‌قامگێریێ بۆ وان ده‌ڤه‌ران دێ بیته ئه‌گه‌رێ گه‌شه‌كرنا كه‌رتێ گه‌شتیارى ل پارێزگه‌ها دهۆكێ و سالانه خه‌لكه‌كێ مه‌زن سه‌ره‌دانا وان ده‌ڤه‌رێن گه‌شتیارى دكه‌ن.
