حکومەتا هەرێما کوردستانێ ١١ بریار بۆ رێکخستنا سیستەمێ کۆمکرنا باج و رسووماتان دەرخستن و راگەهاند: ٢٠% باج دێ ژ کۆمپانیێن ئەنتەرنێت و گەهاندنێ و راستەوخۆ ژى باجا دەرامەتى دێ ژ کارمەندێن کەرتێ تایبەت هێتە وەرگرتن.
ل گۆرهى نڤێسارەکا حکومەتا هەرێما کوردستانێ کو ئیمزا سەرۆکوەزیر، مەسروور بارزانى ل سەرە وەزارەتێن ڤەگوهاستن و گەهاندنێ و دارایى و ئابۆرى هاتینە راسپاردن بۆ بجهئینانا ١١ بریاران، دیارکریە ژى، باجا فرۆشتنێ ب رێژەیا ٢٠%ێ دێ ژ کۆمپانیێن بوارێ ئەنتەرنێتێ هێتە وەرگرتن و نوکە ئەو بریار ل سەرانسەرى ئیراقێ دهێتە بجهئینان، دوپاتکر ژى هەر ئێک ژ کۆمپانیێ، کۆرەک تلیکۆم، ئاسیا سێل و زێن دێ ڤێ بریارێ بجهـ ئینن.
حکومەتا هەرێمێ دوپاتکر ژى، لژنەیا قانوونى ل جڤاتا وەزیران هاتیە راسپاردن دا کارێ پێدڤى بۆ ئامادەکرنا راستڤەکرنا پەیرەوێ لێبڕینا راستەوخۆ یا باجا دەرامەتى ژ کارمەندێن کەرتێ تایبەت بکەت.