به‌رپرسه‌كێ بلند ل حكومه‌تا عێراقێ راگه‌هاند ، به‌غدا ژ چالاكیێن پلاسخارتێ دلگرانه داخواز ژ یو ئێنێ كرییه رونكرنه‌كێ بده‌ت.
لدویڤ راپورته‌كا روژنامه‌ڤانیا شهرقولئهوصهط ، حكومه‌تا عێراقێ دلگرانه ژ سه‌ره‌دانا جێنین پلاسخارت هنارتییا تایبه‌تا نه‌ته‌ویێن ئێكگرتى ل عێراقێ ژئه‌نجامێ وێ سه‌ره‌دانا ناڤبرییێ بو لایێ هنده‌ك به‌رپرس وسه‌ركردێن له‌شكه‌رى ، ژبه‌ر كو بێ هه‌ماهه‌نگى وڤه‌گه‌ریان سه‌ره‌دان ئه‌نجامدایه.
وه‌كو د راپورتێ دا هاتى وى به‌رپرسێ عێراقێ راگه‌هاندییه ، سه‌ره‌دانا پلاسخارتێ بو نه‌هێلانا ئالوزیانه دناڤبه‌را هێزێن حه‌شدا شه‌عبى و هێزێن عێراقێ ، به‌لێ بێ زڤرین بو لایه‌نێن فه‌رمى ئه‌ڤ چه‌نده ئه‌نجام دایه.
د ڕاپورتێدا زێده‌تر هاتییه كو عێراقێ ب فه‌رمى داخواز ژ یونامى كرییه رونكرنه‌كێ سه‌باره‌ت چالاكى و پلانێن پلاسخارتێ بده‌ن ژبه‌ركو ژده‌رڤه‌ی قانونا عێراقێ ئه‌ڤ سه‌ره‌دانه و چالاكیه ئه‌نجام داینه.
شهرقولئهوصهط دیاركر كو پلاسخارتێ د به‌رنامه‌یه‌‌كێ ته‌له‌فزیونى دا نه‌ئێكسه‌ر داخواز كرییه به‌رپرسه‌كێ بلند ل عێراقێ ده‌ست ژكارێ خو به‌رده‌ت، ئه‌ڤه‌ژى ئاماژه‌یه‌كه بو مسته‌فا كازمى سه‌روكوه‌زیرێن حكومه‌تا عیراقێ.
