بریارده‌رێ لیژنا دارایی ل جڤاتا نوینه‌رێن عیراقێ بۆ خانی نیوز راگه‌هاند؛ دانوستاندن د به‌رده‌وامن و ئه‌و دگه‌شبینن بگه‌هنه رێككه‌فتنێ.
ئه‌حمه‌د سهفار، بریارده‌رێ لیژنا دارایی ل جڤاتا نوینه‌ران بو خانی نیوز راگه‌هاند، بۆ ده‌مێ 3 حه‌فتیانه دانوستاندن دبه‌رده‌وامن و ب هیڤیینه بگه‌هینه رێككه‌فتنێ.
دیار ژی كر، شاندێ هه‌رێمێ ب سه‌رۆكاتیا قوباد تاله‌بانی ب هه‌مى ده‌ستهه‌لاتێن رێككه‌فتنێ هاتینه به‌غدا و هه‌مى باده‌كێن پێدڤی داینه لایه‌نێ به‌رامبه‌ر ژوان ژى باده‌كێن په‌ترۆلێ و فه‌رمانبه‌ران و خالێن سنوری و دیسان شاندێ هه‌رێمێ یێ رژده بۆ چاره‌سه‌ركرنا كێشێن هه‌لاویستی دگه‌ل به‌غدا.
ئه‌حمه‌د سهفار ل دۆر ره‌زامه‌ندیا لایه‌نان ژی گۆت: لایه‌نێن سیاسى ل به‌غدا نوكه بووینه دو لا، لایه‌ك یێ رازیى یه ب هه‌مى داخوازیێن كوردستانێ و لایه‌كێ دی ژی هێشتا یێ به‌رده‌وامه ل سه‌ر دانوستاندنان، به‌لێ ئه‌م دگه‌شبینین كو د 2 رۆژێن بهێت دا هه‌ولێر و به‌غدا بگه‌هنه رێككه‌فتنا دووماهیێ.
