سه‌رۆكێ فراكسیونا رافیده‌ین ل په‌رله‌مانێ عیراقێ ئاشكرا دكه‌ت كو د ده‌مێ 33 سالێن بووری دا ژمارا مه‌سیحێن عیراقێ ب ره‌نگه‌‌كێ به‌رچاڤ كێمبوویه.
یوناده‌م یووسف كه‌نا، سه‌رۆكێ فراكسیونا رافیده‌ین دیاركریه كو ژ سالا 1987ێ و هه‌تا نوكه ژمارا مه‌سیحیان ل عیراقێ 60% كێمبوویه و ژ ملیونه‌ك 300 هزار كه‌سان بۆ 400 هزار كه‌سان كێمبووینه و ئه‌و رێژا مه‌زن ژی په‌نا بریه ژ ده‌رڤه‌ی عیراقێ.
ئاماژه دایه وێ چه‌ندێ ژی كو ژبه‌ر ره‌وشا عیراقێ و ئه‌و پێشهاتێن رویداین ئه‌و رێژا مه‌زنا مه‌سیحیان به‌ره‌ف ده‌رڤه‌یی عیراقێ چووینه.
ئاشكرا ژی كر كو ره‌وشا پشتگو‌هاڤێتنا مه‌سیحیان یا به‌رده‌وامه و رۆلێ وان د سه‌ركردایه‌تیێ دا ناده‌نێ.
