ل ئوتێلا ریكسوس د.على تهتهر پارێزگارێ دهۆكێ پێشوازیا (ستیڤن هیكى ) بالیوزێ بریتانیا ل عیراقا فیدرال وشاندێ دگهلدا كر.
دههڤدیتنهكێدا بهحسێ رهوشا پارێزگهها دهۆكێ وكار وپرۆژێن خزمهتگوزارى یێن ل دهڤهرێ دهێنه ئهنجامدان ورهوشا ئاواره وپهنابهران ل كهمپێن پارێزگههێ وئهو هاریكاریێن مروڤایهتى یێن كارگێریا پارێزگههێ ورێكخراوزێن خێر خاز پێشكێشدكهن هاته كرن .
دتهوهركێ دن دا بهحسێ پهیوهندیێن دوو قولى دناڤبهرا حكومهتا ههرێما كوردستانێ و حكومهتا بریتانیا دبیاڤێ سیاسى ولهشكرى وئابورى دا ب گشتى هاته كرن.
پارێزگارێ دهۆكێ خوشحالیا خو ب سهرهدانێ دیاركر وسوپاسیا حكومهتا بریتانیا كر ل دور ئهو هاریكاریێن بهردهوام یێن پێشكێشى ههرێما كوردستانێ دكهن وخواست ئاستێ وان هاریكاریا پتر لێ بهێت ، ههروهسا تهكهزى ل سهر خورتكرنا ههموو جورێن پهیوهندیان دناڤبهرا ههرێما كوردستانێ وبریتانیا دا كر.
ژلایێ خوڤه بالیوزێ بریتانیا خوشحالیا خو ب سهرهدانا پارێزگهها دهۆكێ دیاركر وتهكهزكر كو حكومهتا بریتانیا دێ یا بهردهوامبیت لسهر خورتكرنا پهیوهندیان وپێشكێشكرنا هاریكاریا بو ههرێما كوردستانێ وپارێزگهها دهۆكێ.
