وه‌زیرێ په‌روه‌ردا حكومه‌تا هه‌رێما كوردستانێ راگه‌هاند: ژبه‌ر ڤایروسێ كورونایێ و رێنمایێن خو پارێزیێ خواندنا ئه‌ڤساله هاتبوو كورتكرن و وه‌كو پێدڤى خواندن نه‌گه‌هشتیه ئارمانجا خو، بۆ قه‌ره‌بووكرنا وێ چه‌ندێ وان دڤێت ل ده‌ستپێكا هه‌یڤا ئه‌یلولێ ده‌رگه‌هێن قوتابخانه‌یان بو سالا نوى یا خواندنێ بهێنه ڤه‌كرن.
دكتور ئالان حه‌مه سه‌عید وه‌زیرێ په‌روه‌ردێ گۆت ژى، وان هزر د هندێ دا كریه كو قوتابیان قه‌ره‌بوو بكه‌نه‌ڤه و بۆ ڤێ چه‌ندێ ژى رۆژا پێنچشه‌مبی دێ كۆمبن و ئێك ژ وان بابه‌تێن كۆمبوونێ ژى ئه‌وه سالا نوى ب چ ره‌نگ ده‌ست ب خاندنێ بهێته‌كرن.
گۆت ژى، دێ بزاڤێ كه‌ین ده‌ستپێكا هه‌یڤا ئه‌یلولێ ده‌ست ب پروسا خاندنێ بكه‌ین و ئه‌گه‌ر ل ئێكى ئه‌یلولێ ده‌ست ب خاندنێ بكه‌ین، دێ سێ بۆ چار حه‌فتییان بۆ قه‌ره‌بووكرنا قوتابییان ته‌رخان كه‌ین.
