وهزارهتا پهروهردا حكومهتا ههرێما كوردستانێ راگههاندنهك سهبارهت دهستپێكرنا پروسا خواندنێ بهلاڤكرو گوت ، دهوامكرن دێ ب یا ئاسایى بیت دگهل گرتنهبهرا رێكارێن خو پاراستنێ ل ڤایروسا كورونایێ
دلایهكێ دى یێ راگههاندنێ دا وهزارهتا پهروهردێ ئاماژه ب وێ چهندێ كر كو قوتابیان مافێ ههى لدویڤ حهزا خو ژبهر ڤایروسێ كورونایێ خواندنا ئهلكترونى و پشتهڤانیا مالێن خو دهستهبهر بكهن ، دشێن سوزنامهكێ پر بكهن و قوتابى بتنێ دتاقیكرنێن نڤیسینێ دا دێ ئامادهبیت
ههروهسا ئهوژى بهحس كر دوو حهفتى مولهت دێ بو هێنه دان بو زڤراندنا فورما سوزنامێ ، لدویڤدا قوتابى ماف نابیت حهتا دوماهیا وهرزێ ئێكێ بزڤریته ناڤ پولێ
وهزارهتا پهروهردێ گوت ، رێنمایێن خشتێ دابهشكرنا وانان و سالناما خواندنێ و شێوازێ قهرهبوكرنێ و پشتهڤانیا زێدهتر بو قوتابیان بو چهند قوناغ و پولهكان ، لدویڤدا هویركارى ب گشتاندن دێ بو دهركهڤن و پێدڤیه سهرجهم ناڤهندێن خواندنێ پێگێریێ پێ بكهن
سهبارهت ئێك پوشیا جل و بهرگان ئاماژه ب وێ چهندێ كر بو سالا خواندنێ 2021 -2022 پێدڤیه گشتاندنێن ، ژماره 12138 ل15 تهموزا سالا 2021 بهرچاڤ بهێنه كرن
بریارێن وهزارهتا پهروهدێ بو سهرجهم باخچێن زاروكان و قوتابخانان و پهیمانگههێن حكومى و نهحكومى نه