ئهڤرو ل ههولێرێ كونفرانسێ ئێكرێزى و دستورى دهستپێكر و تێدا مهسرور بارزانى سهروكێ حكومهتا ههرێما كوردستانێ گوتارهك پێشكێشكر.
ل دهستپێكا گوتارێ سهروكێ حكومهتا ههرێما كوردستانێ راگههاند: ب ئاخفتن و دروشما ئێكرێزى دروست نابیت ، بهرى ئێكرێزیێ دروست بكهین، پێدڤییه ئارمانجا خو رێكبێخین، دڤێت ئێكرێزبین بو گههشتن ب قوناغهكێ كو بو مه ههمیان وهكو ئێك بیت، نابیت داخازا ئێكرێزیێ بكهین و بهرهڤ دوو ئاراستهیێن جودا پێنگاڤان بهاڤێژین.
ئهز گهلهك خو خوشحال دبینم كو دهرفهت هاته رێكخستن ، پشكداریێ دكونفرانسى دا بكهین، كو بهحسێ ئێكرێزى و دستورێ ههرێما كوردستانێ بكهین، ئێكرێزى پهیڤ و دروشمهكا جوانه، ژبهر وێ چهندێ نابیت ئهم دناڤ ئێك گهمى دا بین بهلێ دوماهیك قوناغ و مهرهما مه ئێك نهبیت، ژبهر وێ چهندێ پێدڤیه بهرى كو ئێكرێزیێ وهكو پهیڤ یان وهكو دروشم بهێته بكارئینان، پێدڤییه ئهم بهحسێ دوماهیك قوناغا خو بكهین، كو دێ بوچى ئێك رێز بین، ئهنجام و ئارمانجا مه ژ ئێكرێزیێ چیه و مه دڤێت چ بكهین؟
بێگومان ئهڤه ژى ههروهسا دروست نابیت، ئهگهر گهنگهشه لسهر نههێته كرن، و ژ ههمیان گرنگتر ئهوه ههمى لایهن پێكڤه و ژ نێزیك دگهل ئێك باخڤن، و ب مێشكهكێ بهرفرههـ ئامادهبن گوهێ خو بدهنه ئێك و دوو و ئێك و دوو قهبویل بكهن.
ژبو وێ چهندێ ئهو ئارمانجا كو مهرهما ههمى خهلكێ كوردستانێ، ئهم بشێن لسهر رێكبكهڤین و پێكڤه بهرهڤ وێ ئارمانجێ پێنگاڤان بهاڤێژین.
هیڤیدارم ئهم پێكڤه بشێن بچینه دقوناغهكا دیتر دا و ژ نێزیك ڤه دگهل ئێك و دوو كار بكهین و ئارمانجا مه خزمهتا خهلك و نیشتیمانێ مه بیت.
