ئەڤرۆ ب سەرپەرشتیا دكتور عەلی تەتەر پارێزگهرێ دهۆکێ کۆمبوونا لیژنا گەشەپێدان و پشتهڤانیكرنا پرۆژێن پیشەسازی ل پارێزگەهێ ب ئامادەبوونا هەمی ئەندامێن لیژنێ برێڤهچوو، دکۆمبوونێدا دان ۆ ستاندن و هەلسەنگاندن بۆ وان پرۆژێن پیشەسازی یێن هاتینە پێشکێشکرن هاتەکرن، پشتی وەرگرتنا دیتن و بوچونێن لایەنێن پەیوەندیدار رەزامەندیی بۆ درۆستکرنا هەشت کارگەهان ل دەڤەرێن جۆدا یێن پارێزگەها دهۆکێ دبیاڤێن تێکەلۆکا ناڤەندی، ئاهێن خارنێ، کارگەها بەرهەم ئینانا ئاسنی و بەرهەمئینانا پلاستیکی و هەروەسا کارگەها بەرهەم ئینانا جپسا و کارگەهەکا دروستکرنا پاقژکەڕا هاتەکرن.
دکۆمبوونێدا پارێزگهرێ دهۆکێ دۆپاتی ل سەر پشتەڤانیا کەرتێ پیشەسازی کر و گوت پێدڤیە ئەم هەمی ئاسانکاریان بکەین دچوارچووڤێ قانونێدا بۆ کێمکرنا رۆتینێ و گیرۆنەکرنا معامهلهیان و ڤەدیتنا بازارێ کاری و بەردەوام کەرتێ پیشەسازی گەشەپێدانێ بخۆڤە بگریت.
