كرمانج عهبدوللا بهرپرسێ لقێ 23 ێ قهرهچووغ یێ پارتى دیموكراتى كوردستان راگههاند ، لدویڤ وێ رێكهفتنا دناڤبهرا پێشمهرگهى و لهشكهرێ عێراقێ ژورا ههڤپشك یا پێشمهرگهى و لهشكهرێ عێراقێ ل مهخمور هاته دانان و پێنچ ئهفسهر ژ وهزارهتا پێشمهرگهى د وێ ژورێ دا دهست بكار بوون
كرمانج عهبدوللا راگههاند پێكئینانا وێ ژورا ههڤپشك ل مهخمو دێ هاریكار بیت بو پێكئینانا هێزێن ههڤپشك ل دهڤهرێن كوردستانى و ئهنجامدانا ئوپراسیونێن ههڤپشك بو زڤراندنا سهقامگێریا وان دهڤهران و زڤراندنا باوهریا وهلاتیان كو پشتى خیانهتا 16 ئوكتوبهرێ ئهو دهڤهر هاتبونه چولكرن
بهرپرسێ لقێ 23 پارتى ئاشكهرا كر بریاره بارهگایێن پارتى دیموكراتى كوردستان ژى ل مهخمور ژلایێ ملیشیاتان ڤه بهێنه چول كرن
ئهڤه ددهمهكى دایه دوهى ژورا ههڤپشك یا پێشمهرگهى و لهشكهرێ عێراقێ ل كهركوكێ هاتبوو پێكئینان ، لدویڤ رێكهفتنا دناڤبهرا پێشمهرگهى و لهشكهرێ عێراقێ ل روژین بهێت چهند ناڤهندێن دى یێن ههڤپشك دێ هێنه ڤهكرن و ڤالاهیێن ئهمنى ل دهڤهرێن كوردستانى یێن دهرڤهیێ ئیدارا ههرێمێ دێ هێنه تژیكرن ژلایێ هێزێن پێشمهرگهیى و لهشكهرێ عیراقێ ڤه بو هندێ رێگرى ل لڤینێن داعش ل وان دهڤهران بهێته گرتن
