ئهڤرو ل سهلاحهدین سهروك مهسعود بارزانى پێشوازى ل بێل ریچارد جێگرێ فهرماندێ گشتى یێ هێزێن ههڤپهیمانان ل عیراق و سوریا و شاندێ دگهل دا كر .
د دیدارهكێ دا جێگرێ فهرماندێ گشتیێ هێزێن ههڤپهیمانان سهرهخوشى ل سهروك بارزانى و گهلێ كورد كر ب ئهگهرێ شههیدبوونا هژمارهكا پێشمهرگهیان ژلایێ پهكهكێ ڤه ل چیایێ مهتینى و هیڤیا سلامهتیێ بو برینداران خواست ههر د كومبوونێ دا جێگرێ فهرماندێ گشتیێ هێزێن ههڤپهیمانان ل عیراق و سوریا رهوشا مهیدانى یا بزاڤێن ههڤپهیمانان بو روى روی بوونا تیرورستان ل عیراق و سوریا بو سهروك بارزانى دیاركر .
د پشكهكا دى یا كومبوونێ دا دروستكرنا ناڤهندهكا ههڤپشك دناڤبهرا ههڤپهیمانان و هێزێن پێشمهرگهى و هێزێن عیراقێ بو روى ب روى بونا هێرشێن تیرورستان و ههروهسا پێنگاڤێن پێكئینانا هێزهكا ههڤپشك یا ههردوولا بو ههمان مهبهست ب گرنگ و بهرههمدار وهسفكر .
