ژ ئهگهرێ تۆپبارانا سوپایێ توركیا بۆ سهر بنگههـ و بارهگایێن پهكهكێ ل سنورێ ناحیا كانى ماسێ، وهلاتییهك بریندار بوو و گوندهك ژى هاته چۆلكرن.
سهربهست سهبرى رێڤهبهرێ ناحیا كانى ماسێ یا سهر ب قهزا ئامێدیێ راگههاند: ئهڤرۆ پشتى نیڤرو ل گوندێ (دشیشێ) یا سهر ب ناحیا كانى ماسێ ڤه، ژ ئهگهرێ تۆپبارانا سوپایێ توركیا وهلاتیهكێ مهدهنى یێ وى گوندى بناڤێ (باوهر ئهحمهد) برینداربوو و هاته ڤهگوهاستن بۆ نهخۆشخانێ.
گۆت ژى، ژ شڤێدێ وهره هێزێن توركیا ب دژوارى بنگههـ و بارهگایێن پهكهكێ ل گوندێ (ئهدنێ) توپباران دكهن و خهلكێ وى گوندى، گوندێ خوه چۆلكرینه كو ژ ههشت مالان پێكدهاتن.
رێڤهبهرێ ناحیا كانى ماسێ دیاركر ژى، ژێدهرێ ئاڤا ڤهخوارنا ههردوو گوندێن (گركا و دشیشێ) ل گوندێ (ئهدنێ) یه، ژ ئهگهرێ چولكرنا گوندێ ئهدنێ ژى ههردوو گوندێن دى بێ ئاڤ ماینه.