سەرۆکا فراکسیۆنا پارتی دیموکراتی کوردستان ل پەرلەمانێ عیراقێ راگەھاند، بریارە د ڤێ حەفتیێ دا پەرلەمانێ عیراقێ بگەھیتە وان ماددان کو دێ بەحسێ پشکا ھەرێما کوردستانێ کەن، ئەو ژی مادێن ١٠ و ١١ نە و دێ ھەمى بزاڤان ژی کەن کو پشکا ھەرێما کوردستانێ یا پاراستی بیت، و چ دەستکاری د وان ماددهیان دا نەھێنە کرن.
د. ڤیان سەبری، بۆ ماڵپەڕێ فەرمیێ پارتی یا دیموکراتا کوردستان گۆت: ڤێ حەفتیێ لدور پشکا ھەرێما کوردستانێ د پرۆژە قانونا بودجێ دا دێ دەست ب گهنگهشان ھێتە کرن و وان وەکو فراکسیۆنێن کوردی گەلەک باش ژی خۆ بەرھەڤکریە و دێ ھەمى بزاڤان کەن کو پشکا ھەرێما کوردستانێ یا پاراستی بیت.
سەرۆکا فراکسیۆنا پارتی ل پەرلەمانێ عیراقێ دیاركر ژی: ھندەک دان وستاندێن دەستپێکی هاتینه كرن، بهلێ گهنگهشێن رژد بۆ دوماھیێ ھاتینە پاشئێخستن، ژبەر ھندێ د ڤێ حەفتیێ دا گهنگهشێن رژد دێ ھێنە کرن و لیژنا دارایی و ھەمى لایەن ژی دێ پشتهڤانیا مافێن کوردان کەن.
