ڤیان سه‌برى سه‌روكا فراكسیونا پارتى دیموكراتى كوردستان ل جڤاتا نوینه‌رێن عیراقێ دراگه‌هاندنه‌كێ دا دیاركر كو زێده‌كرنا هه‌ماهه‌نگی وهاریكاریێ دناڤبه‌را وه‌زاره‌تا به‌ره‌ڤانیا عیراقی و وه‌زاره‌تا پێشمه‌رگه‌ى گه‌له‌ك گرنگه وگوت داخواز دكه‌ین ژمارا هێزێن پاسه‌وانێن سنورى ل هه‌رێما كوردستانێ بهێنه زێده‌كرن ژبه‌ركو هنده‌ك ده‌ڤه‌ر یێن هه‌ین ژلایێ ئه‌منى ڤه كونترول كرى نینن وژلایێ په‌كه‌كێ ئه‌و ده‌ڤه‌ره دهێنه بكارئینان بو چالاكیێن وان یێن تایبه‌ت.
سه‌روكا فراكسیونا پارتى دیموكراتى كوردستان ل جڤاتا نوینه‌رێن عیراقێ ته‌ئكید لسه‌ر وێ چه‌ندێ كر كو گرنگه پشته‌ڤانیا لوجستى و رادار وكامیرێن چاڤدێریێ وپشته‌ڤانیا دارایى ژلایێ وه‌زاره‌تا به‌ره‌ڤانیا عیراقێ بو وه‌زاره‌تا پێشمه‌رگه‌ى بهێته زێده‌كرن وگوت هه‌ژماره‌كا كێم ژ هێزێن پێشمه‌رگه‌ى ل ڤان ده‌ڤه‌ران هاتینه بنه‌جهكرن وپێدڤى یه هژمارا پاسه‌وانێن سنورى بهێنه زێده‌كرن .
