حكومه‌تا هه‌رێما كوردستانێ د حه‌فتیا بهێت دا مووچێ هه‌مى فه‌رمانبه‌رێن وه‌زاره‌ت و دام و ده‌زگه‌هان حكومه‌تێ دێ به‌لاڤكه‌ت.
ژێده‌ره‌كى ژ جڤاتا وه‌زیران راگه‌هاند: پارێ پێدڤى بو به‌لاڤكرنا مووچه‌ى یێ به‌رده‌سته و حه‌فتیا بهێت مووچێ هه‌مى فه‌رمانبه‌ران دێ هێته به‌لاڤكرن، دگه‌ل وێ چه‌ندێ ئه‌ڤه ده‌مه‌كه هێرش بۆسه‌ر حكومه‌تا هه‌رێما كوردستانێ دهێنه كرن كو موچه‌ى ب لێبرین به‌لاڤ دكه‌ت، به‌لێ حكومه‌تا هه‌رێمێ دووپات دكه‌ت كو لدویڤ ئه‌و داهاتێ لبه‌ر ده‌ست چ ژ داهاتێ پترولێ یان داهاتێ نافخو، هه‌مى 30 روژان جاره‌كێ دێ مووچه هێته به‌لاڤكرن.
گیروبوونا مووچه‌ى ڤێ جارێ بو وێ چه‌ندێ دڤه‌گه‌ریت لدویڤ گوتنێن په‌رله‌مانتاران و لدویڤ پێزانینان، پێدڤی بوو كو ل پارێزگه‌ها سلێمانیێ 82 ملیار دینار بو مووچه‌ى هاتبانا دابین كرن به‌لێ بتنێ 55 ملیار دینار هاتینه دابینكرن.
