چ ئاریشە نینە کو د بێ چارەسەر بن، لێ ئەگەر نیەتا پاقژ نەبیت، هزار دەستوور ژی دێ د بێ مفابن
سەرۆک بارزانی دیار کر کو ئاریشە د نیەتێ دایە، ئەگەر نیەتا باش هەبیت، چ ئاریشە نینە کو نەهێنە چارەسەرکرن، لێ ئەگەر نیەتا پاقژ نەبیت، هزار دەستوور ژی دێ د بێ مفابن.
سەرۆک بارزانی ل دۆر هەڵبژارتنێن پەرلەمانێ کوردستانێ کو پارتی دیموکراتی کوردستانێ سەرکەفتیا ئێکێ بوو و پتر ژ 40 کورسیێن پەرلەمانی ب دەستڤە ئینان، دیارکر: سەرکەڤتن د هەلبژارتنان دا ژ پێشبینیێن مە دەرباز ببوو، مە باوەری ب سەرکەڤتنێ هەبوو، لێ نە ب ڤی قەبارەی. سوپاسیا گەلێ کوردستانێ دکەم بۆ ڤێ باوەریا ب بها.
هەروەسا گۆتژی کو هەلبژارتن ب گەلەک یاسایێن دادگەها باڵا فیدرال هاتنە ئەنجامدان، ئۆپۆزسیۆنێ هەمی بزاڤ دان کو کارتێکرنێ ل سەر پارتی دروست بکەن، دا کو لاواز بکەن و بکەنە دۆراندێ. ئەڤە ئارمانجا وان بوو، لێ گەلێ کورد هەمی گومان پووچ کرن و هەمی بزاڤ تێکشکاندن. سەرەڕای هەمی پیلانگێڕیان، پارتی سەرکەڤتنەکا مەزن ب دەستڤە ئینا. ئەگەر ئێک بازنەژیبا، ژمارا کورسیێن پارتی دا پتر ژ 45 کورسیابن. ئەگەر ل سەر ئاستێ عیراقێ بیت و دەنگێن کەرکووک و مووسلێ ژی لێ زێدە بکەین، دەنگێن پارتی دێ ژ ملیۆنەکێ دەربازبن و دێ بیتە پارتا ئێکێ ل سەر ئاستێ هەموو عیراقێ.
هندەک ژ دەزگەهێن بەغدا و ئۆپۆزسیۆنا هەرێما کوردستانێ پیلانگێڕیێ ل دژی پارتی دکەن
سەرۆک بارزانی گۆتژی، هندەک ژ دەزگەهێن بەغدای و ئۆپۆزسیۆنا هەرێما کوردستانێ پیلانگێڕیێ ل دژی پارتی دکەن. ئەم ئۆپۆزسیۆنا دیموکراتی د دانینە سەر سەرێ خۆ، لێ راستی ئەوە کو پیلانگێڕی هەبوو، ب هەڤکاری، دڤیا شکەستنێ ب پارتی بینن و دابەش بکەن و بچووک بکەن. “من چاڤەڕێ نەدکر کو هەڵبژارتن ب ڤی شێوەیێ باش و بێ ئاریشە دێ ب رێڤەچن ل ژێر سەرپەرشتیا کۆمسیۆنا عیراقێ و چاڤدێریا نێڤدەولەتی و نەتەوەیێن ئێکگرتی.”
سەرۆکی گۆتژی، پارتی هەلبژارتن بۆ دوو سالان پاش نەئێخستن، لێ ئەوێن ناڤێ خۆ کریە ئۆپۆزسیۆن و هندەک ژ وان یێن د ناڤ حکوومەتێ دا، لنگەک د ناڤ حکوومەتێ و لنگەک د ناڤ ئۆپۆزسیۆنێ دا، وان هەڵبژارتن پاش ئێخستن، هەتا دادگەها فیدرالی ئینان و دەستتێوەردان کر و گەلەک ژ یاسایان گوهۆڕین.
