وه‌لاتێ چینێ بریار دا 5 هزار فاكسینێن دژى كورونایێ وه‌ك هاریكارى پێشكێشى هه‌رێما كوردستانێ بكه‌ت ، ئاخفتنكه‌رێ وه‌زاره‌تا ساخله‌میێ ئاشكرا كر د ده‌مه‌كێ نێزیك دا دێ ده‌ست ب ڤه‌گوهاستنا وان هێته كرن
دكتور ئاسو حه‌وێزى ئاخفتنكه‌رێ وه‌زاره‌تا ساخله‌میێ بو مالپه‌رێ فه‌رمى یێ پارتى دیموكراتى كوردستان راگه‌هاند ، وه‌لاتێ چینێ بریاردایه بێ به‌رامبه‌ر ڤاكسینێ به‌رهه‌مهێنه‌رێ چینی بده‌ته هه‌رێما كوردستانێ ، دڤى چارچوڤى دا بریاره 5 هزار ڤاكسینان دێ راده‌ستێ حكومه‌تا هه‌رێما كوردستانێ كه‌ت
ئاخفتنكه‌رێ وه‌زاره‌تا ساخله‌میێ گوت ژى ، د ده‌مه‌كێ نێزیك دا دێ ده‌ست ب رێكارێن ڤه‌گوهاستنا ڤاكسینێ چینێ بو هه‌رێما كوردستانێ هێته كرن و تێرا 2 هزار500 نه‌خوشان د كه‌ت چونكه هه‌ر كه‌سه‌ك پێدڤى ب دوجاران هه‌یه
دیسان گوت ، ڤاكسینێ چینى ژلایێ عێراقێ ڤه هاتیه په‌سه‌ندكرن و هه‌مى بزاڤێن حكومه‌تا هه‌رێما كوردستانێ بو دابینكرنا ڤاكسینێ ئه‌وه كو وه‌لاتیێن وان مفا ژێ بینن ، ئه‌ڤ ڤاكسینه دجیهانێ دا بو به‌رهه‌نگاربونا كورونایێ به‌رهه‌م هاتیه
