لیزا فهلهكهددین كاكهیی، ئهنداما لژنا دهڤهرێن كوردستانی یێن دهرڤهی ئیدارا ههرێمێ ل پهرلهمانێ كوردستانێ د گۆتارهكێ دا راگههاند، دهمهكه ئهو ههست پێدكهن هندهك دهنگێن نهشاز ب رێیا هندهك ئالیێن خۆسهپێنهر بهردهوام پیلان و بهرنامان دژی كوردستانیبوونا كهركووكێ دادرێژن، ههر ژ دروستكرنا حهشدا كوردی تا دگههیته ههلوهشاندنا ماددێ سهد و چل یێ دهستوورێ عیراقێ، بزاڤێن شۆفینییان ژی بهردهوامن كو ب رێیا پرۆژهیهكی پارێزگهها كهركووكێ بكهنه ههرێمهكا سهربخو.
لدویڤ گۆتنا لیزا فهلهكهدین كاكهیی، پێدڤییه كورد نوكه ژ ههمى دهمهكی پتر ئێكگرتی بن و ب ئێك گۆتار بهرسینگێ وی شهرێ سیاسی بگرن كو پلانا بۆ عهرهبكرنا كهركووكێ دادنن.
پهرلهمانتارا كوردستانێ گۆت ژی: سێ ساله پارێزگارێ سهپاندیێ كهركووكێ رهوشا ئالۆزا وێ پارێزگههێ ب دهلیڤه دبینیت و ب رێیێن جودا نهدادپهروهریێ ههمبهری پێكهاتێن كهركووكێ و ب تایبهت كوردان دكهت، ژبهركو گهلهك كهیسێن گهندهلیێ ژی ل سهر ههنه، دخوازیت ب رێیا ههرێمكرنا كهركووكێ خو ژ وان كهیسان رزگار بكهت.