لیوا سه‌رحه‌د ناوه‌رانى رێڤه‌به‌رێ گشتیێ خانه‌نشینیێ ل وه‌زاره‌تا پێشمه‌رگه‌ى راگه‌هاند، لدویف قانونا چاكسازیێ و لبه‌رچاڤ وه‌رگرتنا مه‌رجێن خانه‌نشینیا پێشمه‌رگه‌ى كو د قانونا سیهـ وهه‌شتێ یا راژه وخانه‌نشینیا پێشمه‌رگه‌ى دا هاتیه دیاركرن دێ بریار لسه‌ر خانه‌نشینكرنا پێشمه‌رگه‌ى هێته دان . هه‌روه‌سا راگه‌هاند لدویف رێنمایێن دارایى تایبه‌ت ب خانه‌نشینیێ ڤه دڤێت ژییێ پێشمه‌رگه‌ى گه‌هشتبیته 45 سالیێ هه‌تا كو بهێته خانه‌نشینكرن وئه‌گه‌ر كه‌سه‌كێ كێم ئه‌ندامبیت لدویف قانونا كێمئه‌ندامیا پێشمه‌رگه‌ى دێ خانه‌نشین بیت . دیسان گوت هه‌ر پێشمه‌ر‌گه‌یه‌ك كێمتر ژ پازده سالان خزمه‌ت هه‌بیت و ژییێ وى چل وپێنج سالبیت ب چ ره‌نگه‌كى خانه‌نشین نابیت و ژبلى ڤان ژى كێمئه‌ندام لدویف ره‌وشا وى یا ساخله‌مییێ دێ بو چێبیت ئه‌وژى دڤێت لدویف بریارا لیژنا پزیشكى پێنجى ژ سه‌دێ زێده‌تر كێم ئه‌ندام یان نه‌خوش بیت . هه‌روه‌سا شه‌هید و وه‌غه‌ركرى لدویف قه‌سام شه‌رعى وبه‌لگه‌ناما وه‌غه‌ركرنێ دێ موچه‌ى ده‌نه وارسێن وى .
لیوا سه‌رحه‌د ناوه‌رانى دبێژیت: رێڤه‌برنا كاروبارێن تایبه‌ت ب خانه‌نشینیێ ڤه ل رێڤه‌به‌ریا خانه‌نشینیا پێشمه‌رگه‌ى و كێمئه‌ندامان دێ روژانه هێته كرن و چ كێشه نینه، به‌لێ لدویف قانونا چاكسازیێ كارهاتیه‌كرن بو جوداكرن و پێداچونا سه‌رجه‌م خانه‌نشینێن پێشمه‌رگه‌ى ئه‌وێ نه‌قانونى بیت ئاماژه پێ هاتیه كرن.
