پولیسێن دهوكێ: بكوژێ وى زه‌لامێ 67 سالى یێ ل گوندێ ده‌رگه‌لا میسا به‌گێ هاتییه‌ كوشتن هاته‌ ده‌سته‌سه‌ركرن

پشتى چوار روژان پولیسێن دهوكێ راگه‌هاند ، بكوژێ نزار سلێمان یێ ته‌مه‌ن 67 سالى هاته‌ ده‌سته‌سه‌ركرن كو ل گوندێ ده‌رگه‌لا موسا به‌گێ ل مالا خو ژلایێ زاڤایێ وان ڤه‌ ل سه‌ر كوژمه‌كێ كێم یێ پارى هاتبو كوشتن

هێمن سلێمان ئاخفتنكه‌رێ پولیسێن دهوكێ راگه‌هاند ، ئه‌ڤ زه‌لامێ ب ته‌من سه‌را پاره‌كێ كێم هاتیه‌ كوشتن ئه‌و كه‌س ژى خزمێ نێزیك بویه‌

ئاماژه‌ ب وێ چه‌ندێ ژى كر كو نزار سلێمان ب ره‌نگه‌گێ درندانه‌ و ب چه‌كێ كلاشینكوف هاتیه‌ كوشتن ، پشتى وێ چه‌ندێ پولیسێن قه‌زا ئامێدیێ ڤه‌كولین كریه‌ و تومه‌تبار ب ناڤێ ( س ع ) هاته‌ ده‌سته‌سه‌ركرن كو دژیێ 34 سالیێ دایه‌‌ و زاڤایێ وى یه‌

لدویڤ گوتنا پولیسان زاڤایێ وى زه‌لامى ب هاریكاریا خه‌سیا خو ناڤبرى كوشتیه‌ و زه‌لام ب خو یێ زه‌نگین نه‌بوو و سه‌را كوژمه‌كێ پاره‌كێ كێم هاتیه‌ كوشتن

شه‌ڤا چوارى ڤێ هه‌یڤێ ل گوندێ ده‌رگه‌لا موسا به‌گێ ل ده‌ڤه‌را به‌روارى بالا زه‌لامه‌كێ ب ته‌مه‌ن كو ب تنێ دژیا ل مالا خو هاته‌ كوشتن