سه‌روكێ فراكسیونا پارتى راگه‌هاند په‌رله‌مانێ كوردستانێ بو ده‌نگدانێ ب كاندیدێ وه‌زیرێ سامانێن سروشتى دێ كومبیت .
ئومێد خوشناو سه‌روكێ فراكسیونا پارتى ل په‌رله‌مانێ كوردستانێ راگه‌هاند ل روژا 1/1 هه‌تا 1 هه‌یڤا ئادارێ په‌رله‌مان د بهێنڤه‌دانا وه‌رزێ قانون دانانێ دایه به‌لێ تێگه‌هشتنه‌كا هه‌ڤپشك دناڤبه‌را سه‌روكاتیا په‌رله‌مانى و فراكسیونان هه‌یه و دڤێت چه‌ند كومبوونێن نه‌ئاسایى بهێنه كرن و ئه‌ڤه ژى ده‌ستهه‌لاتا په‌یره‌ویى یا سه‌روكا په‌رله‌مانى و سه‌روكاتیا په‌رله‌مانى یه بو داخوازكرن و دانانا به‌رنامێ كارى . هه‌روه‌سا گوت: د ڤێ حه‌فتیێ دا په‌رله‌مانێ كوردستانێ دێ كومبیت و د نێزیكترین ده‌م دا ده‌مێ كومبوون و به‌رنامێ كارى دێ هێنه دیاركرن كو دێ تایبه‌ت بیت ب پركرنا پوستێ وه‌زاره‌تا سامانێن سروشتى و هه‌مى ئاماده‌كارى تمام بوینه و د نێزیكترین ده‌م دا سیڤیێ كاندیدا بو وى پوستى دێ گه‌هنه په‌رله‌مانى و د ئێك كومبوون دا دێ په‌رله‌مان ئێخیته به‌رنامێ كارى بو په‌سه‌ند كرنێ.
