په‌رله‌مانێ كوردستانێ قانونا فروتن و ب كرێدانا مولك و مالێ ده‌وله‌تێ په‌سه‌ندكر

                 ئه‌ڤرو په‌رله‌مانێ كوردستانێ ب سه‌روكاتیا رێواز فایق سه‌روكا په‌رله‌مانێ كوردستانێ پشكا دووێ ژ كومبوونا ژماره‌ 1 یا نه‌ئاسایى برێڤه‌چوو .

ل دویڤ خالا دووێ یا به‌رنامێ كارێ روینشتنێ كو پێكهاتبوو ژ ده‌نگدانێ ل سه‌ر پروژه‌ قانونا فروتن و ب كرێدانا ملك و مالێ ده‌وله‌تێ ل هه‌رێما كوردستانێ ژلایێ لیژنه‌یه‌كا تایبه‌تمه‌ند كو پێكهاتبوون ژ لیژنا كار و بارێن قانونى و دارایى و كار و بارێن ئابورى ب جودا ناڤ و نیشان و ماده‌ و برگه‌ و ئه‌گه‌رێن ده‌رچواندنا پروژه‌ قانونێ هاتنه‌ به‌رچاڤكرن.

لدویڤدا سه‌رجه‌م خالێن قانونى ده‌نگدان ل سه‌ر هاته‌ دان و ب 64 ده‌نگان هاته‌ په‌سه‌ندكرن .

و ب ڤێ چه‌ندێ سه‌روكا په‌رله‌مانێ كوردستانێ پیروزباهى ل په‌رله‌مان و خه‌لكێ كوردستانێ كر و دویماهى ب كومبوونا په‌رله‌مانى ئینا .