په‌رتووكا بو مێژوو كوژ نڤیسینا سه‌روك مه‌سعود بارزانى یه وبه‌رى نوكه ب زارێ سورانى و زمانێ عه‌ره‌بى هاتبوو به‌لاڤكرن نوكه ب زارێ كرمانجى ب رێنڤیسا كوردى لاتینى كه‌فته به‌رده‌ستێ خوینده‌ڤانان
چاپا نوى یا وێ په‌رتوكێ كو ژلایێ روژنامه‌ڤان عارف زێره‌ڤان هاتیه وه‌رگێران ل سه‌ر شێوازێ كرمانجى و ژلایێ چاپخانا ئاڤێستا ب پیتێن لاتینى چاپ بویه و هاتیه‌به‌لاڤكرن
ناڤه‌رو‌كا وێ په‌رتووكێ كورتیه‌ك سه‌باره‌ت دیروكا كوردستانێ حه‌تا ئه‌ڤرو به‌حس ژێ هاتیه‌‌كر و روناهى ئێخستیه سه‌ر پروسا ریفراندوما سه‌ربخویا هه‌رێما كوردستانێ و هه‌لسه‌نگاندن بو ره‌وشا كوردستانێ و عێراقێ و ده‌ڤه‌رێ ب گشتى دكه‌ت
دوێ په‌رتوكێ دا به‌حسى وێ چه‌ندێ هاتیه كرن كو ب درێژاهیا چه‌رخێ بورى گه‌لێ كوردستانێ هه‌مى بزاڤ كرینه دا ب ئاشتى و ئێكسانى و شه‌راكه‌ت دگه‌ل ده‌وله‌تا عێراقێ بژیت ، هه‌ڤده‌م عێراقێ كورد پشتگوهـ هاڤێتینه و ب رێكا پروسا ته‌عریبێ و یێن وه‌كى وێ كورد ره‌ت كرینه ، عێراقێ گه‌له‌ك رێكێن جودا ب كارئیناینه ژوانا جینوساید و كومكوژی ل دژى كوردان ، ژبه‌ر ڤێ چه‌ندێ ریفراندوم ئه‌نجامدا ، زێده‌بارى ب سه‌دان سالان ده‌رده‌سه‌ریێن ژیانا گه‌لێ كورد ، ریفراندوم لێكتێگه‌هشتنا نوى و ئاشتیانه په‌یدا كر
دپه‌رتوكا خو دا سه‌روك مه‌سعود بارزانى ته‌ئكید ل سه‌ر وێ چه‌ندێ دكه‌ت كو ماف و داخوازیێن ره‌وا و ئاشتیخوازێن كورد روى ب روی چه‌كى و گڤاشتنێن شوفینیان بوینه
بریاره د پێشه‌روژه‌كا نێزیك دا چاپا نوى یا ڤێ په‌رتوكێ ب زمانێ توركى ژى بهێته به‌لاڤكرن
