وهزارهتا بهرهڤانیا ئهمریكا پنتاگون راگههاند دێ هژمارا سهربازێن خو ل عیراقێ بو 2هزارو500 سهربازان كێم كهت .
دراگههاندنهكێدا وهزارهتا بهرهڤانیا ئهمریكا كو ئهڤرو بهلاڤكرى یه تێدا هاتیه ویلایهتێن ئێكگرتى یێن ئهمریكا دێ هێزێن خو ل عیراقێ بو 2500 سهربازان كێم كهت كو ل 17ى چریا دووێ یا سالا بورى دونالد ترامپ سهروكێ ئهمریكا بریار لسهر دابوو.
پنتاگون ههروهسا راگههاندیه كو ڤهكێشانا هێزێن وان ژ عیراقێ پهیوهندى ب پێشڤهچوونا ئاستێ هێزێن عیراقى ههیه و نوكه شیانێن هێزێن عیراقى گهلهك باشبووینه.
دیسان پنتاگونێ دیاركرى یه كو ڤهكێشانا لهشكرێ وان ژ عیراقێ سیاسهتا ئهمریكا ل دهڤهرێ ناگهوریت و هێزێن ئهمریكى و ههڤپهیمانان ل عیراقێ نه بو هندێ دا بزاڤێن داعش ژناڤببهن.
دوێ راگههاندنا پنتاگونێ ژى دا ئاماژه ب وێ چهندێ كرى یه كو عیراق و ئهمریكا ل سهر وێ چهندێ ههڤرانه كو هێشتا گهفێن داعش دبهردهوامن، ژبهر هندێ هێزێن ههڤپهیمانان دێ ل عیراقێ مینن و دێ پشتهڤانیا ئاسمانى و ههوالگیرى بو هێزێن عیراقى كهن بو ژناڤبرنا داعش
پنتاگون راگههاند ژى خهلكێ عیراقێ حهزا عیراقهكا ئارام و سهقامگیر و خوش ههیه و ئهم وهك ئهمریكا دبهرههڤین پشتهڤانیا خهلكێ عیراقێ بكهین بو بجهئینانا حهزا وان .
