لیوا تهحسین خهفاجی، ئاخفتنكهرێ فهرماندهیا ئوپهراسیونێن ههڤپشكێن عیراقێ سهبارهت پلانا خۆ ڤهكێشانا شیرهتكارێن لهشكهرى یێن سهر ب ههڤپهیمانیا دهولهتیا دژى داعش ل عیراقێ ڕاگههاند، كو ئهو پلان وهك خۆ دێ هێته بجهئینان.
ناڤبرى سهبارهت پلانا خۆڤهكێشانا هێزێن بیانى ژ عیراقێ د داخویانیهكێدا گوت: لیژنهیهك ب فهرمانا فهرماندێ گشتى یێ هێزێن چهكدار مستهفا كازمى هاتیه پێكئینان دگهل ههڤپهیمانیا دهولهتیا دژى داعش ب ئارمانجا ڤهكێشانا شیرهتكارێن لهشكهرى یێن بیانى ژ عیراقێ .
ههروهسا گوت: لڤێ دویماهیێ 500 شیرهتكارێن لهشكهرى خۆ ژ ههڤپهیمانیا دهولهتیا دژى داعش ژ عیراقێ ڤهكێشایه، ههروهسا دووپاتكر كو وهزارهتا بهرهڤانیا ئهمریكا راگههاندبوو هێزێن ئێمناهیا عیراقێ بهرههڤیا وێ چهندێ دكهن دۆسیا ئهمنى یا عیراقێ ڕێڤهببهن.
