ئهڤرو ل باژێرێ ههولێرێ سهروك مهسعود بارزانى پێشوازى ل پاپا فرانسیس پاپایێ ڤاتیكان و كاتولیكێن جیهانێ كر.
دكومبوونهكا تایبهت دا پاپا فرانسیس پشتى گههشتنا وى بو ههولێرێ دگهل سهروك بارزانى كومبوو ، دڤێ كومبونێ دا سوپاسییا سهروك بارزانى كر بو پاراستنا پێكهاتێن ئاینى و نهتهوهیى ل ههرێما كوردستانێ و پهیداكرنا پێكڤهژیانا ئاشتیانه دناڤبهرا وان دا.
ههر دڤێ دیدارێ دا پاپا فرانسیس ب سهروك بارزانى راگههاند ، كورستان ژ بیرا من نهچوویه ههوه نه بتنێ پێشوازى ل من كر، بهلكو ههوه پێشوازى ل كریستیانان ژى كر، پاپا ئاماژه كره وێ چهندێ كو ههوه ددهمێ هێرشێن داعش دا كریستیان پاراستن ههوه وهكو برا پێشوازى ل وان كر.
ههر دڤێ دیدارێ دا سهروك بارزانى هیڤى خواست سهرهدانا پاپا فرانسیس برایهتى و پێكڤهژیانێ دناڤبهرا ههمى ئایینان دا بهێزتر بكهت و گوت ، شانازییێ ب فهرههنگا ژیانا گهلێ كوردستانێ دكهین ، فهرههنگا پێكڤهژیانا مه برایهتى و خوشڤیانه.
