ئهڤرو ب ئامادهبونا دكتور على تهتهر پارێزگارێ دهۆكێ ولیوا تارق احمد نوینهرێ وهزارهتا نافخو و رێڤهبهرێ گشتى یێ پولیسێن ههرێمێ وعلى عهونى بهرپرسێ لقێ 8 یێ پارتى ل زاخو وچهند بهرپرسێن حزبى وئیدارى رێ ورسمێن جوداكرنا رێڤهبهریا پولیسێن زاخو ژ پولیسێن پارێزگهها دهۆكێ هاتنه گێران.
دلشێر عبدالستار قایمقامێ زاخو دپهیڤهكێدا سوپاسیا سهروكێ حكومهتێ وپارێزگارێ دهۆكێ ولقێ ههشت یێ پارتى وههمى لایهنێن دى كر یێن بوینه هاریكار كو رێڤهبهریا پولیسێن زاخو ژ رێڤهبهریا پولیسێن پارێزگههێ بهێته جوداكرن وراستهوخو بكهڤیته سهر رێڤهبهریا گشتى یا پولیسێن ههرێمێ.
لدویڤدا لیوا تارق احمد نوینهرێ وهزارهتا نافخو و رێڤهبهرێ گشتى یێ پولیسێن ههرێمێ بناڤێ خو و وهزیرێ نافخو پیروزباهیا خهلكێ زاخو كر بو گرێدانا پولیسێن زاخو ب رێڤهبهریا گشتى یا پولیسێن ههرێمێ ڤه
ژلایێ خوڤه پارێزگارێ دهۆكێ دپهیڤهكێدا گوت: مسرور بارزانى سهروكێ حكومهتا ههرێما كوردستانێ زور یێ رژده كو قایمقامیا زاخو ببیته ئیدارهكا سهربهخو وئهڤرو ئێكهم پێنگاڤ دهستپێكر ئهوژى جوداكرنا رێڤهبهریا پولسێن زاخو ژپولیسێن پارێزگههێ یه ول دهمهكێ نێزیك فهرمانگههێن دى ژى وهكو پهرورهده و ساخلهمى وئهوقاف دێ هێنه جوداكرن ئهڤه بو هندێ یه كو دهستههلاتێن كارگێرى بهێنه شوركرن وئاسنكارى بهێنه كرن وخزمهتا هاولاتیان باشتر بهێته كرن.
