وه‌كو پشته‌ڤانییه‌ك بو یاریا دناڤبه‌را یانا هه‌ولێر ویانا ئه‌مانه به‌غداد دا ئه‌ڤرو د.على ته‌ته‌ر پارێزگارێ دهۆكێ ودگه‌لدا به‌رێزان د.شاكر سمو رێڤه‌به‌رێ گشتى یێ وه‌رزشى ل هه‌رێما كوردستانێ وخه‌لیل حسن رێڤه‌به‌رێ وه‌رزشى ل پارێزگه‌هێ سه‌را یاریگه‌ها یانا دهۆك یا وه‌رزشى دا ژلایێ سه‌روك وئه‌ندامێن یانێ پێشوازى لێ هاته كرن.
پاش جودا جودا پارێزگارێ دهۆكێ سه‌ره‌دانا تیما یانا وه‌رزشى یا هه‌ولێرێ ویانا ئه‌مانه به‌غداد كر كو ئه‌ڤرو ئێڤارى 24-2-2021 دێ یاریه‌كێ دچارچوڤێ یاریێن گه‌را بیستێ دا ژخولا نایابا عیراقێ ئه‌نجامده‌ن ، پارێزگارێ دهۆكێ ده‌ست خوشى ل هه‌ردوو تیما كر وخواست كو هه‌ردوو تیم یاریا خو ب گیانه‌كێ وه‌رزشى ئه‌نجامده‌ن وسه‌ركه‌فتن بو خواست.
هه‌ژى گوتنێ یه ژبه‌ركو نوكه یاریگه‌ها فره‌نسو حه‌ریرى ل هه‌ولێرێ دهێته نوژه‌نكرن یانا هه‌ولێرێ یاریێن خو دێ ل یاریگه‌ها یانا دهۆكێ ئه‌نجامده‌ت.
