ئەڤرۆ “د.عەلی تەتەر” پارێزگارێ دهۆکێ دگەل کۆمپانیا دانانا سیستەمێ غازا شل LPG کۆمبوو، دکۆمبوونێدا پشتی بخێرهاتنێ پارێزگارێ دهۆکێ ئاماژە ب جێبەجێکرنا رێنمایێن حکۆمەتا هەرێما کوردستانێ بو پاراستنا سەر و مال و گیانێ هاولاتیان و کارمەندێن کۆمپانیێن ڤی کاری ئەنجامددەن کر و راگەهاند: ئەم پشتەڤانین بو گەشەپێدان و پێشڤەچوونا کەرتێ ئابۆری دهەمی بیاڤەکی دا و ل دویڤ یاسا و رێنمایێن حکۆمەتا هەرێما کوردستانێ دێ هەمی ئاسانکاریەکی ئەنجام دەین و رۆتینێ کێم کەین، بەلێ پێگیریەکا تمام بهیتەکرن چونکی رحا مرۆڤی ژ هەمی تشتەکی ببهاترە و ب چ بهایان ژی ناهێتە کرین.
پاشان بەرێز پاريزگارێ دهۆکێ و جێگرێ پارێزگاری و رێڤەبەریێن پەیوەندیدار گوهداریا داخوازی و گلە و گازندە و پێشنیارێن کۆمپانیێن ناڤبری کر و دا دیارکرن لژنەکا تایبەتمەند ژ رێڤەبەریێن پەیوەندیدار بەردەوام دێ دیفچوونا بابەتێ سیستەمێ دانانا غازێ کەت.
