پارێزگەرێ دهوكێ و قونسلێ وه‌لاتێ ئه‌رمه‌نستانێ ته‌ئكید لسه‌ر خورتكرنا په‌یوه‌ندیان

ئه‌ڤرۆ د.على ته‌ته‌ر پارێزگارێ دهۆكێ پێشوازیا به‌رێز (ئارشاك مانوكیان) كونسلێ نوو یێ وه‌ڵاتێ ئه‌رمه‌نستانێ ل كوردستانێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا چه‌ند كه‌سایه‌تیێن ئه‌رمه‌نى ل سنورێ پارێزگه‌هێ به‌حسێ په‌یوه‌ندیێن دێرین دناڤبه‌را گه‌لێ كورد وئه‌رمه‌نستانێ دا وئه‌و نه‌هامه‌تى ونه‌خوشیێن ب سه‌رێ هه‌ردوو گه‌لان هاتین ب گشتى هاته‌ كرن.
دته‌وه‌ركێ دن دا به‌حسێ چاوانیا خورتكرنا په‌یوه‌ندیێن ته‌ندورستى دناڤبه‌را سازیێن ته‌ندورستى یێن پارێزگه‌ها دهۆكێ ویێن ئه‌رمه‌نستانێ دا نه‌خاسمه‌ دبیاڤێ نوشداریا چاڤاندان دا وئالوگوركرنا شاندێن ئه‌كادیمى دناڤبه‌را زانكویا دهۆك وزانكویێن ئه‌رمه‌نستانێ دا هاته‌ كرن.
كونسلێ ئه‌رمه‌نستانێ دیاركر كو ل مه‌ها ئادارا بهێت ئاڤاهیێ نوو یێ كونسلخانا وه‌لاتێ وان ل هه‌ولێرێ دێ هێته‌ ڤه‌كرن ودێ بیته‌ هوكاره‌ك كو په‌یوه‌ندى دناڤبه‌را هه‌ردوو وه‌لاتاندا پتر گه‌شێ بكه‌ن .
پارێزگارێ دهۆكێ ته‌كه‌زكر كوحكومه‌تا هه‌رێمێ وپارێزگه‌ها دهۆكێ ب ئێك چاڤ سه‌حدكه‌ته‌ خه‌لكێ ده‌ڤه‌رێ وبێ جیاوازى خزمه‌تا هه‌موویان دكه‌ن وخوشحالیا خو دیاركر بو خورتكرنا هه‌موو جورێن په‌یوه‌ندیان دناڤبه‌را سازیێن ئه‌رمه‌نستانێ و كوردستانێ دا وبه‌رهه‌ڤیا پارێزگه‌هێ نیشان دا بو هه‌ر هاریكاریه‌كێ دبیاڤێ ئالوگوركرنا بابه‌تێن زانستى وته‌ندورستى دا.