ئه‌ڤرو دكتور عەلی تەتەر پارێزگه‌رێ دهۆکێ پێشوازیی ل شاندەکێ جڤاتا پارێزگەها هەولێرێ ژ فراکسیۆنا پارتی دیمۆکراتی کوردستان کر.
دهەڤدیتنه‌كێ دا به‌حس ل رەوشا پارێزگەها دهۆکێ و دوماهی پێشهاتێن دحەفتیا بۆریدا هاتەکرن و شاندێ مێهڤان ب پارێزگه‌رێ دهۆکێ راگەهاند: هەڤخەمیا خۆ دگەهینینە هەوە سەبارەت رۆیدانا ئاگرکەفتنا کەمپا شاریا کو هژمارەکا زۆرا خیڤەتان سووتی و نێزیکی هزار کەسان زەره‌رمەندبووین و هەروەسا هەڤخەمیا خۆ دەربریی بۆ شەهیدبوونا پێنچ پێشمەرگێن قەهرەمان و برینداربوونا هژماره‌كا پێشمەرگان ژلایێ چەکدارێن پەکەکێ ڤە، لدویڤدا بەحس ل هەماهەنگیا کارێ هەڤپشک دناڤبەرا جڤاتا پارێزگەها دهۆکێ و جڤاتا پارێزگەها هەولێرێ کر بو زێدەتر خزمەتکرنا وه‌لاتیان و خۆرتکرنا رۆلێ حکومەتا خۆجهی.
پارێزگه‌رێ دهۆکێ سۆپاسیا شاندێ مێهڤان کر و گۆت: ئەم گەلەک سۆپاسیا خەلک و جڤات و کارگێریا پارێزگەها هەولێرێ دکەین بۆ رۆیدانا ئاگر بەربوونا کەمپا شاریا هەر زوی دپەیوەندیێ دابووینە و هاریکاریێن پێدڤی و مرۆڤایەتی گەهاندنە پارێزگەها دهۆکێ و بەرهەڤیا خۆ بۆ هەر هاریکاریەکێ دیارکریە.
