ئەڤرۆ دكتور عەلی تەتەر پارێزگه‌رێ دهۆکێ هژمارەکا پرۆژێن رێکێن گوند و ئاڤرێژێن ده‌ڤه‌رێن باتیفا و دەرکارێ و سەخبێرکرن و قێرکرنا رێکێن ناڤخویی یێن ١٢ گوندێن سنورێ ناحیا کانی ماسێ ب کۆژمێ پتر ژ ٧٦١ ملیۆن دیناران رەوانەیی بجهئینانێ كرن
ئه‌و پروژه ژى پێكدهێن ژ چێکرن و سەبکرنا رێکێن ناڤخویی و سۆلینێن ئاڤرێژان ل ده‌ڤه‌رێن باتیفا و دەرکارێ دگەل قەسیسەکێ بو گوندێ گرک سندی. هه‌روه‌سا سەخبێرکرنا رێکێن گۆندێن خشخاشا و چەم سەیدا و بازێ و رێکێن ناڤخۆیی ل کۆمەلگەها چەلکێ ئیسلام و گۆندێ تیلەرێ و گۆندێ هرورێ و گۆندێ ئاسیهی و ئێکمالە و هێسێ ل سنۆرێ ده‌ڤه‌را کانی ماسێ ل قه‌زا ئامێدیێ.
