ئەڤرۆ ل كوچكا مێهڤانداریا دكتور علی تەتەر پارێزگارێ دهۆكێ پێشوازیا شاندەكێ وهزارەتا رێك وپرا و ڤەگوهاستنێ یێ كومارا ئیسلامی یا ئیرانێ ب سەروكاتیا جەواد مهدی هیدایەتی هاریكارێ وەزیرێ رێك وپرا وڤەگوهاستنا ئیرانێ كر.
دهەڤدیتنەكێدا بەحسێ رەوشا رێك وپرا ل پارێزگەها دهۆكێ ول هەرێما كوردستانێ نەخاسمە رێكا هاتن وچونا بازرگانی هەتا دگەهیتە خالا سنوری ل حاجی ئومران وپەیوەندیێن گشتی دناڤبەرا كومارا ئیسلامی یا ئیرانێ وهەرێما كوردستانێ و رەوشا كرێكار وكومپانیێن ئاڤەدانكرنێ یێن ئیرانی ئەوێن ل سنورێ پارێزگەهێ كاردكەن هاتە كرن.
پارێزگارێ دهۆكێ خوشحالیا خو ب سەرەدانێ دیاركر وپشتەڤانیا كارگێریا پارێزگەهێ نیشان دا بو هەر ئاسانكاریەكێ بو كومپانیێن ئیرانی یێن ئاڤەدانكرنێ ئەوێن ل سنورێ پارێزگەهێ پرۆژان ئەنجامدەن.
