ئه‌ڤرو دكتور على ته‌ته‌ر پارێزگارێ دهۆكێ پێشوازیا ستیگ پاولۆ بالیوزێ وه‌لاتێ دانیمارك ل عیراقا فیدرال كر .
دهه‌ڤدیتنه‌كێدا به‌حسێ په‌یوه‌ندیێن دناڤبه‌را هه‌رێما كوردستانێ و ده‌وله‌تا دانیمارك وچاوانیا پێشئێخستنا ئاستێ وان په‌یوه‌ندیان ژهه‌مى لایه‌كى ڤه هاته كرن .
دته‌وه‌ره‌كێ دى دا به‌حسێ ره‌وشا گشتى یا پارێزگه‌هێ وئه‌و پێشكه‌فتنا ده‌ڤه‌رێ بخوڤه دیتى و ره‌وشا گه‌شت وگوزارێ وپلانێن كارگێریا پارێزگه‌هێ بو پێشئێخستانا كه‌رتێ ناڤبرى و مفا وه‌رگرتن ژسه‌ربورا وه‌لاتێن گه‌شتیارى هاته كرن.
پارێزگارێ دهۆكێ په‌سنا رولێ وه‌لاتێ دانیمارك وده‌وله‌تێن ئه‌سكه‌نده‌ناڤى كر ژبو حه‌واندنا په‌نابه‌رێن كورد پشتى ئه‌نفالێن سالا 1988 وگوت: ئه‌م كورد قه‌نجیا وان وه‌لاتان ژبیرناكه‌ین وئه‌و جهێ رێزێنه ل ده‌ف مه وخواست كو روژ بو روژێ په‌یوه‌ندى دناڤبه‌را هه‌رێمێ ودانیمارك دا پێشبكه‌ڤن.
ژلایێ خوڤه بالیوزێ دانیمارك ل عیراقێ خوشحالیا ب وێ پێشكه‌فتنێ دیاركر ئه‌وا هه‌رێما كوردستانێ بخوڤه دیتى ودیاركر كو كورد ملله‌ته‌كێ زیندى و هه‌ڤال دوستن و گوت: ئه‌م وه‌كو خه‌لكێ دانیمارك ب چاڤێ رێزگرتنێ سه‌حدكه‌ینه كوردان نه‌خاسمه ئه‌وێن ل دانیمارك دژین وبوینه وه‌لاتیێن خوجهێن به‌رده‌وام.
