ب هه‌لكه‌فتا بورینا 33 ساڵان ل سه‌ر كاره‌ساتا كیمیا بارانكرنا باژێرێ ھەلەبجە ئه‌ڤرو ل ده‌مژمێر 11 سپێدێ دكتور عه‌لی ته‌ته‌ر پارێزگارێ دهۆكێ وجێگرێن پارێزگاری وستافێ كارگێریا پارێزگه‌هێ بو ده‌مێ 5 ده‌قیقا بێ ده‌نگ بو گیانێ شه‌هیدێن كاره‌ساتا جه‌رگ بر راوستیان وفاتیحه ل سه‌ر گیانێ قوربانیان خواندن و ژخودایێ مه‌زن خواست كو شه‌هیدان ل بهه‌شتا خو یا به‌رین شاد بكه‌ت و هه‌مى تاوانبارێن رژێما به‌عس یا ژناڤچویی بهێنه دادگه‌هكرن وبگه‌هنه سزایێ خو یێ عادلانه.
هه‌ژى گوتنێ یه ل ده‌مژمێر 11 سپێده‌هیا رۆژا شازده‌یى ئادارا سالا 1988 ێ رژێما به‌عسا ژناڤچویی ب فروكه وموشه‌كێن كیمیاوی باژێرێ ھەلەبجە بومبه‌بارانكرن ودئه‌نجامدا پتر ژ پێنچ هزار وه‌لاتیێن مه‌ده‌نى شه‌هیدبوون وپتر ژ ده‌هـ هزار وه‌لاتیێن دی بریندار وده‌ربه‌ده‌ربوون.
