بو دویڤ چون ونه‌هێلانا زێده‌گاڤیا ل سه‌ر ئه‌ردێ میرى و دارستان و ژینگه‌ها ده‌ڤه‌رێ ئه‌ڤرو دكتور على ته‌ته‌ر پارێزگارێ دهۆكێ ودگه‌لدا ئه‌یسه‌ر جه‌رجیس قایمقامێ قه‌زا سێمێلێ ب وه‌كاله‌ت وعمید شوكت سلێمان رێڤه‌به‌رێ پولیسێن دارستان و ژینگه‌هێ سه‌را خالا پولیسێن پاراستنا دارستان و ژینگه‌هێ ل گه‌لى كورتكى وگوندێن كانى گولانێ وصالحیێ دا و ژنێزیك سه‌حكره ره‌وشا دارستان وژینگه‌ها ده‌ڤه‌رێ وئه‌و زێده‌گاڤیێن نه قانونى یێن ل وان جهان هاتینه كرن.
پارێزگارێ دهۆكێ ده‌ست خوشى ل تیمێن دویڤ چونێ كر كو ب شه‌ڤ ورۆژ كاردكه‌ن بو نه‌هێلا هه‌ر زێده‌گاڤییه‌كێ وگوت: لدویڤ قانونێ دڤێت هه‌مى سه‌رپێچیكار و ئامیرێن دهێنه ب كارئینان وه‌كو دوزه‌ر وشه‌فه‌ل وئامیرێن كولانا بیرا بهێنه راگرتن و ب رێكێن قانونى سه‌ره‌ده‌ریى دگه‌ل وان بهێته كرن وپشته‌ڤانیا پارێزگه‌هێ نیشان دا بو هه‌ر هاریكاریه‌كێ بو نه‌هێلا زێده‌گاڤیا.
